Nyamasheke mu Murenge wa Kirambi hafi neza y’uruganda rw’icyayi rwa Gatare mu mugoroba w’ijoro ryakeye biravugwa ko Umusirikare yaraye arasiye abantu batanu ahitwa ku “Gasanteri k’Urubyiruko” kari hafi y’Uruganda!
Hari y’Uruganda rw’Icyayi rwa Gatare hari aho Abasirikare bashyize ikigo! Aho hafi kandi y’uruganda hakaba n’agasa n’agasanteri bita “Agasanteri k’Urubyiruko”kariho n’utubari birumvikana, ariko utwinshi muritwo tukaba ari utw’inzoga za gakondo (Urwagwa n’izindi)!
Kuri uyu mugoroba rero, Umusirikare yavuye muri cya kigo cyabo kiri hafi y’Uruganda yambaye gusiviri ajya kunywera kuri ako gasanteri!
Nyuma agiye gutaha, amakuru avuga ko yagiye kwishyura ibihumbi 4 yari amaze kunywera agasaba ko yishyura kuri Phone ya Nyirakabari ariko undi akabayanga ngo arashaka “cash”!
Umusirikare yakomeje gutakamba asaba ko basi yarenzaho igihumbi ariko Nyirakabari akomeza kuba ibamba!
Abari mu aka kabari, nabo baje kwinjira muri dosiye ariko ku ruhande rwa Nyirakabali ndetse ngo batangira gufatanya gusagarira wa Musirikare ngo niyishyure “cash” ndetse amakuru akavuga ko batangiye no kumukoreraho Urugomo!
Bikomeje kugorana, haje kubaho uburyo bareka wa Musirikare ngo ajya kuzana “Cash” mu kigo ngo aze yishyure!
Umusirikare yageze mu kigo, yambara imyenda y’akazi, afata imbunda agaruka kuri ka kabali!
Nyirakabari yamukubise amaso ariruka, arasira bane aho ndetse n’undi wari ugerageje kwiruka aramurasa! Nyirakabari we ntabwo ari mu barashwe!
Kugeza ubu amashusho ya #VAR ntabwo yerekana neza ubwoko bw’inzoga yari yanyweye muri ako kabali!
Mu bisanzwe, amakuru y’aka gace akavuga ko mu myaka ishize kuri aka gasanteri hagiye hakura urugomo ndetse rukarushaho gukara iyo banyweye inzoga!
Bivugwa ko haba abari mu kabali ndetse na Nyirakabari ubwe bari bazi neza Umwuga w’uyu Mukiliya bishyuzaga ariko ntibibuze kumukorera urugomo!
Kuri ubu, amakuru avuga ko Inzego z’Umutekano n’Ubuyobozi bw’Akarere bagiye gukoresha inama n’abaturage kuri aka gasanteri! Imirambo y’abarashwe nayo ikaba ikiri aho barasiwe! Bari abagabo batatu n’Abasore babiri!
Source(Twitter ya Joseph)